Breaking News

Tuesday, 19 May 2020

ये संकटा दौर मा


ये संकटा दौर मा

दगड़्यों ना उंड फुंड जावा
        ना बैठा कैका घौर मा
ना कै बुलावा ना चाऽ पिलावा
         ये संकटा दौर मा
बचावा अपड़ि जान तुम
        करा चिन्ता अपड़ा नौनौं की
नि होलु कुछ द्वि चार दिन 
    नि लगली छ्वीं जु हौरूं की
ना ढळका सुदि सडकों मा
  कै हैंका की सौर मा
           ना कै बुलावा ना चाऽ पिलावा
ये संकटा दौर मा
ना रूप्या काम औला तब
        ना बिमारी पर धौंस चलण 
नि सम्झला जु बक्त पर
     पछतौला हौर मुल्क जन्न 
हमु तैं नि ह्वे सकदु कुछ
     न रा तैं टिपोड़ मा
ना कै बुलावा ना चाऽ पिलावा
   ये संकटा दौर मा

        @सुनीता सेमवाल
अध्यापिका अनूप नेगी मेमोरियल पब्लिक इंटर कॉलेज गुलाबराय(रुद्रप्रयाग)